Logoa eta leloa

GAKI GE = “bagoaz” Senpere inguruko euskalkian.

Lelo horrekin, herritarrak mugitzerat gonbidatu nahi ditugu. Gaki ge Herri Urratserat ikastolek eta euskarak Ipar Euskal Herrian behar duten sustengua emaiterat. Gaki ge gure geroa euskaraz eraikitzera. Gaki ge Brebeta eta Baxoa euskaraz izan daitezen erdiesterat. Gaki ge euskararen ofizialtasuna lortzerat.

Herri Urrats 2020

GAKI GE lemak soinu orientala duen bezala, logoak ere grafismo orientalari pentsarazten du. Batzuek bi dantzari ere ikusten dituzte irudian. Lauburu bat eta ikurrina bat ere ikus daitezke. Irudimena bururaino eremanez ere, ordenagailu mugikor bat ere ikus daiteke, euskara, bizitako arlo guzietara, eremu erreal eta birtualera ere zabaltzerat gaki ge!

BOB XAPELA: Herri Urrats lehen edizioko argazkitik, urtez urte argazki guzietan errepikatzen den elementu bat da bob formako xapela. Kontzertu aintzinea, bazkarian, aintzira bazterrean, ostatuan, beti baten bat agertzen da buru gainean bobarekin. Aurten, logo bihurtu dugu urtez urte Herri Urratsen hainbeste agertu den xapela.